viernes, 22 de junio de 2012

Felices vacacións

Deséxovos sinceramente que pasedes unhas moi felices vacacións con eses pequeniños tan encantadores que tedes; vémonos o 12 de setembro.
Un bico enorme e pasádeo fenomenal que volo merecedes.



Felices vacacións

Para vós con cariño unha moi bonita e entretida canción sobre o verán.

lunes, 18 de junio de 2012

Excursión á Xunqueira

Hoxe fomos de excursión á Xunqueira co resto dos nenos e nenas de infantil do noso colexio.
Pasámolo de marabilla e aprendemos un montón de cousas... pero sobre todo pasámolo moi moi ben todos xuntos xogando. Como nos gusta xogar, e máis aínda fóra do colexio.
Primeiro fomos ao parque, logo de xogar durante case dúas horas fomos recuperar enerxía ao "chiringuito" onde nos tiñan preparada unha merenda riquísima.
Despois da merenda as profes queríannos levar para o colexio pero a nós gustábanos moito estar alí así que non queríamos marchar e custoulles bastante levarnos do parque; menos mal que despois veu o "dire", Jose e José Luís a buscarnos...


Click to play this Smilebox presentación
Create your own presentación - Powered by Smilebox
A presentación by Smilebox

domingo, 17 de junio de 2012

Que biscoito máis rico

O venres a mamá de Candela, Tesi, tróuxonos un biscoito riquísimo e Candela regalounos ovos de chocolate.
A semana que Candela foi a nosa encargada os seus papás non puideron vir a visitarnos porque tiñan moitísimo traballo, e quedaron tan tristes tan tristes por non poderen vir á nosa clase que nos enviaron un agasallo para que non os botásemos moito en falta e unha carta na que nos explicaban máis polo miúdo a que se debía a súa ausencia a pesar de desexar vir pasar unhas horiñas con nós.
Encantounos o biscoito e os ovos de chocolate pero lamentamos profundamente non ter gozado da vosa compañía, así que cando poidades xa sabedes onde estamos.
Agardámosvos con impaciencia.


sábado, 16 de junio de 2012

Ensaio para o festival

Estes días estamos inmersos na preparación das nosas actuacións para o festival de fin de curso. Estamos traballando un montón e as nosas melloras nótanse día a día, aínda que ás veces acabamos moi moi cansos e as profes tamén.

Click to play this Smilebox presentación
Create your own presentación - Powered by Smilebox
Presentación personalized with Smilebox

viernes, 15 de junio de 2012

Aniversario de Fabiola

O día 5 de xuño a nosa compañeira Fabiola estivo de cumple (xa ten 4 anos) e festexámolo todos xuntos no colexio.
Primeiro cantámoslle varias cancións de felicitación e despois soplamos as velas e comemos unha merenda riquísima que nos trouxo a súa mamá.
O único problema que tivemos ese día é que á nosa "cumpleañera" non lle gusta nada de nada rir para as fotos, e para facela rir só un pouquiño tivemos que facerlle cóxegas.
Os noso parabéns Fabiola, agardamos que o pasases ben con nós o día do teu aniversario.


jueves, 14 de junio de 2012

Conto

Aquí vos deixamos un conto sobre o cadro dos mirasoles de Van Gogh. Camille y Los Girasoles

Libro das mascotas

Aquí podedes ver o noso libro das mascotas.
Na elaboración deste pequeno libro participaron os papás e mamás dos nenos e nenas da nosa aula que nos abriron as portas da súa casa para ensinarnos esas mascotas ás que tanto queren e coidan as nenas e nenos da clase de 3 anos.
Moitas grazas familia pola vosa participación neste proxecto, sen vós nos sería posible facer esta clase de actividades.

miércoles, 13 de junio de 2012

A importancia do xogo "ao natural"

Aquí vos deixo unha pequena reflexión dunha gran profesional sobre a importancia do xogo para as nenas e nenos e sobre cales son os xogos que lles debemos formular na infancia.

martes, 12 de junio de 2012

Visita da mamá de Xiana

A semana en que Xiana foi a nosa protagonista veunos visitar a súa nai, Graciela.
 Coa mamá de Xiana estivemos lendo uns contos: un de origami, un con pictogramas... e logo ensinounos as súas habilidades coa goma eva.
A mamá de Xiana é moi hábil coa goma eva e Xiana tamén, así que nos estiveron axudando a facer a nós algunhas cousiñas: un bolso, un marco de fotos, un barco... quedáronnos moi bonitos e pasámolo moi ben.
Moitas grazas pola túa visita Graciela, foi un pracer terte connosco.


lunes, 11 de junio de 2012

Protagonista

Esta semana a nosa protagonista é... CANDELA.

sábado, 9 de junio de 2012

Mercadillo

Entre os días 7 e 8 de xuño celebramos o noso mercadillo de flores no colexio.
A verdade é que foi todo un éxito (non ten nada que ver que viñesen os nosos papás) e vendemos todas as flores e centros de flores rapidísimo.
Agora que xa traballamos para preparar as flores, preparar os centros, facer o mural... só nos queda contar os cartos e gozar deles cunha gran festa nos últimos días de colexio.
 Porque como xa sabedes que o curso está chegando ao seu fin e o próximo ano xa ímos ser nenos e nenas de catro anos e non imos ser os pequenos do colexio.




viernes, 8 de junio de 2012

Visita da Mamá de Javier López

Hoxe visitounos Marta, a mamá de Javier López, e estívonos ensinando a facer un broche de fieltro para as nosas mamás.
Hoxe viñamos con moitas ganas de traballar e non a deixamos nen tan sequera falar e dicirnos como se chamaba nin cal era o seu traballo; en canto chegou sentámola nunha das nosas cadeiras e puxémola a traballar porque intuíamos que ía ser unha tarefa difícil, desas que so fan os nenos e nenas de catro anos, ou os que están a piques de cumprir anos. A verdade é que nos custaba un pouco realizar a tarefa, menos mal que ela nos axudou porque: primeiro tiñamos que recortar dúas flores e un círculo de tea de fieltro (e era a primeira vez que cortabamos tea) e logo pórlle un botón e coser con agulla e fío (e como nós non somos quen de usar a agulla, coseu ela todos os agasallos para as nosas mamás e papás). Pero iso si, estivemos moi atentos para facelo nós a próxima vez.
Despois para despedila démoslle tantos bicos e abrazos que ata a tiramos ao chan nun par de ocasións; é que somos demasiado cariñosos.
Pasámolo moi ben e aprendemos a facer algunhas cousas que aínda non sabiamos.
 Moitas grazas Marta polas túas dúas visitas e volve cando queiras máis achuchóns.


jueves, 7 de junio de 2012

Visita dos papás de Ánxela


Xa hai algún tempo os papás de Ánxela tamén nos viñeron visitar para ensinarnos cousas moi interesantes. Así a súa primeira visita foi para presentarnos a alguén moi importante para Ánxela, o seu can Pimpón (que por certo se portou moi ben e nos deixou que o tocásemos en varias ocasións).
A outra vez que nos visitaron foi para lernos uns contos moi bonitos de fadas que lle encantan a Ánxela. Nesta ocasión ler ler só leu a súa mamá (parécenos que aos papás os intimidamos un pouco máis que ás mamás) pero o seu papá estivo moi atento a todos nós en todo momento.
Para despedilos démoslles as grazas e un montón de bicos (sobre todo á súa mamá por suposto).
Moitas grazas familia por compartir o voso día libre connosco.



miércoles, 6 de junio de 2012

As plantas

O profe Juan (2º educación primaria) elaborou esta presentación sobre as plantas, e como nos gustou tanto decidimos compartila con vós.

martes, 5 de junio de 2012

Mercadillo de flores

Nos próximos días imos facer o mercadillo de flores con material de refugallo.
Aquí vos deixamos as fotos de algunhas das flores e centros de flores que imos vender para que vaïades vendo canto nos esforzamos e canto traballamos.
Esperamos que vos gusten.


O luns fomos en Ambulancia

O luns veu ao noso colexio o papá de Javi coa súa ambulancia (xa sabemos que en realidade non é súa pero a nós gústanos dicilo así) e levounos a dar un paseo.
Pasámolo xenial dentro da ambulancia e vendo para que servían os aparatos que levaba dentro; o problema foi que cando estabamos na Xunqueira apareceunos unha enfermiña e tivemos que coidala (pórlle o termómetro, verlle a tensión, pasala á camilla...), pero como somos tan bos médicos e enfermeros mellorouse en pouco tempo.
Moitas grazas a todos os que colaboraron nesta saída que foron moitos (José María, Marta, Victor, Vanessa, Romina...) e vémonos na próxima demostración cando xa sexamos espertos en medicina.


Día Mundial do Medio Ambiente

lunes, 4 de junio de 2012

Recursos para o Día Mundial do Medio Ambiente

Aquí vos deixamos algúns vídeos e contos sobre a importancia de coidar o medio ambiente dende ben pequeniños.

 Vídeo sobre como podemos Reciclar

 

 Vídeo sobre como podemos Reducir



 Conto educativo sobre como sofre o noso planeta cando non o coidamos.



Vídeo sobre como estimular o amor pola natureza aos nenos e nenas.

E unha canción sobre o coidado do noso planeta.

http://www.waece.org/webimedio/videopadres.html

Protagonista

Esta semana o noso protagonista é... Javier López.


domingo, 3 de junio de 2012

Crebacabezas da nosa protagonista

Algúen quere facer un crebacabezas da familia da nosa protagonista?

  preview6 pieceFamilia de Lucía

Crebacabezas

Se premedes na imaxe podedes facer un crebacabezas moi sinxelo de todos nós.


preview6 pieceP1070930

Libro dos animais

Aquí vos deixamos as fotos do libro dos animais que fixemos no noso anterior proxecto. Esperamos que vos guste.

viernes, 1 de junio de 2012

Visita dos papás de Lucía

Hoxe visitáronnos Lupe e Fabián (os papás de Antonio e Lucia) e a pesares de que moitos de nós xa os coñeciamos tiñámoslle algo de vergoña, así que ao principio non nos atreviamos nin a preguntarlle como se chamaban.
Despois duns primeiros momentos de timidez puxémonos a traballar, xa que os papás da nosa encargada viñan con ganas de ensinarnos a facer unha manualidade cunha cascara de noz. O primeiro que fixemos foi comer as noces (estaba claro non) e logo pintamos as cascaras de distintas cores (unhas verdes para os que quixeron facer unha ra e outras vermellas e negras para os que quixeron facer unha xoaniña). Despois de pintar tivemos que agardar  para que secasen as cascaras e nada mellor para facer máis curta a espera que realizar unha desas obras de arte en papel continuo que tanto nos gustan e aproveitar a ocasión para pintarnos as mans, a roupa, os mandilóns e por suposto o baño e o piso da nosa clase.
Logo de facer o noso "picasso" seguimos coa manualidade: primeiro colocámoslle a parte de abaixo e logo os ollos.
Para rematar despedimos aos nosos invitados facéndolles moitas proposicións para o verán e dándolle moitísimos bicos e apertas.
E despois da merenda os máis golosos gozaron coas chuches que nos deixaron de agasallo cando se foron.
Moitas grazas familia pola vosa visita, por ensinarnos a facer animais con noces e polas chuches e as noces.



LinkWithin

Related Posts Plugin for WordPress, Blogger...