sábado, 22 de diciembre de 2012

BO NADAL E FELICES FESTAS


Se queredes ver algunhas das fotos do noso festival e das celebracións do día de onte, non dubidedes en consultar a páxina web do noso colexio.



viernes, 14 de diciembre de 2012

Obradoiros do Nadal

Con motivo da chegada do Nadal realizamos varios obradoiros para a elaboración de galletas de xenxibre, coroas de Nadal, adornos de árbores, decoración de Papá Noel... e pasámolo moi ben.
Aquí podedes ver algunhas das fotos das actividades destes días.


martes, 11 de diciembre de 2012

Consellos para afianzar a lectoescritura

Aquí podedes ver unha pequena presentación con algúns consellos e orientacións para favorecer cos vosos nenos a aprendizaxe da lectoescritura.


martes, 4 de diciembre de 2012

Que celebramos no Nadal?

Aquí tedes unha pequena presentación sobre que celebramos no Nadal e como.


lunes, 3 de diciembre de 2012

Xogo de Papá Noel

Aquí podedes acceder a máis actividades sobre o Nadal, neste caso é de Papá Noel que xa está a piques de chegar ás nosas casas.


Fixemos galletas de xenxibre

Hoxe fixemos a primeira remesa de galletas de xenxibre e quedáronnos moi ricas; mañá imos facer máis pero por se queredes practicar na casa, aquí vos deixamos a receita.



domingo, 2 de diciembre de 2012

Xogos con galletas

E para ir practicando coas galletas aquí vos deixo un xogo para aprender a decoralas.


Obradoiros de Nadal

Esta semana os nenos e nenas de infantil imos realizar tres obradoiros coas tres profes de infantil: imos realizar un obradoiro de adornos de Nadal para a nosa árbore, outro de coroas de Nadal para decorar as portas e outro de galletas de xenxibre.
Esperamos pasalo fenomenal e aprender un montón todos xuntos.



jueves, 29 de noviembre de 2012

Cousiñas para o Nadal

Aquí vos deixamos unha actividade lim coa que estivemos traballando na clase sobre o Nadal.





miércoles, 28 de noviembre de 2012

Sal e azucre

Hoxe na nosa hora de animación á lectura estivemos lendo o conto de Sal e azucre. Aos nenos/as gustoulles moito así que aquí vos deixo unha ligazón á película do conto.


E unha ligazón a un power-point do mesmo conto.



Tamén podedes escoitar aquí a canción do conto.


martes, 27 de noviembre de 2012

Panxoliña de Nadal

Pouco a pouco o Nadal estase achegando así que no cole xa estamos empezando a preparar algunhas cousiñas, unha delas unha panxoliña de Nadal para cantar o último día de cole antes de que veña Papá Noel. Aquí vola deixamos para ver se vos gusta.


 E por se vos gusta máis outra versión de Juanes.

 

viernes, 23 de noviembre de 2012

Visita da familia de Antonio

A semana que Antonio foi o noso encargado viñéronnos visitar os seus papás (Fabián e Lupe).
Con Lupe e Fabián lemos un conto de Teo e a súa familia porque a Antonio lle encantan os contos de Teo e despois fixemos unha tarxeta de Nadal para os nosos pais; primeiro pintámola e logo botámoslle brillantina e estrelas para que fose ben bonita (os máis atrevidos despois de facer a tarxeta metéronse debaixo da mesa para ver se de verdade brilaba).
Despois de facer a tarxeta déronnos unhas chuches e máis unha carta para escribirlle aos reis.
Gustounos moito a vosa visita e pasámolo moi ben, sobre todo coa brillantina e a purpurina e estamos esperando a que a profe nos lea ese conto que nos deixastes de Papá Noel, que en realidade é un calendario de Adviento.
Lamentamos moito a hora da visita porque coas présas de recoller e colocar non nos deu tempo de despedirvos como vos merecedes. Un bico dende aquí e moitas grazas por compartirdes o voso tempo con nós.

jueves, 22 de noviembre de 2012

Degustación de froitos do Outono

O pasado martes día 20 de Novembro fixemos a nosa particular degustación de froitos típicos do Outono.
Estivemos degustando froitos secos (como as améndoas, as noces, as abelás...) e froitos carnosos (como o caqui, o kiwi, a mandarina, a granada...) e a verdade é que foi moi interesante xa que todos probamos todos os froitos e froitas (algúns gustáronnos e outros non) e tocámolos, mirámolos... e aprendemos un montón.

miércoles, 21 de noviembre de 2012

Visita da familia de Edu

A semana que Edu foi o noso encargado veunos visitar a súa mamá, Sonia, e ademais de ensinarnos unha historia de como era Papá Noel de pequeno, fixemos unha manualidade para poñer a nosa casa ben bonita cando chegue o Nadal.
O conto que estivemos mirando foi o seguinte:



E despois de velo puxémonos a traballar: primeiro Sonia deunos uns vasos de poliespán e empezamos a pintalos, só tiñamos que pintalos un pouquiño para que quedasen moi ben feitiños, pero a verdade é que en canto nos dan un pincel e témpera perdemos a perspectiva e aquilo parecía de todo menos un boneco de neve. Aínda así quedáronnos moi bonitos e iso de desenvolver a nosa creatividade cada día dásenos mellor.
Despois de pintar o boneco e deixalo secar puxémoslle o gorro ou as orelleiras e xa para rematar miramos un vídeo que Papá Noel lle enviou a Edu.
Gustounos moito a túa visita Sonia e aprendemos cousiñas do Nadal, que pouco a pouco e case sen decatarnos está chegando.
Moitas grazas por vir visitarnos e por pasar o teu tempo connosco, encántannos as vosas visitas.





Premede na imaxe para acceder á presentación das fotos da visita.

Se vós tamén queredes prepararlles aos vosos fillos/as un vídeo personalizado de Papá Noel, na seguinte ligazón podedes facelo:


martes, 20 de noviembre de 2012

Máis recursos do outono

Aquí podedes xogar cos vedoques e aprender moitas cousas dos froitos do outono.

Feliz día do neno

Aquí podedes ver o Poema "La sonrisa de un niño" de Marielena Rondiel coa música de "Coraczón de Niño" de Raúl Diblasio.




domingo, 18 de noviembre de 2012

Degustación de froitos do Outono

Se nada nolo impide o vindeiro martes imos realizar unha degustación de algúns froitos típicos do Outono.
Así que para ir empezando aquí vos deixamos unha presentación de froitos do Outono.

viernes, 16 de noviembre de 2012

Visita da familia de Mell

A semana que Mell foi a nosa protagonista veunos visitar o seu pai, Maxi, e contounos un conto que nos gusta moito.
O primeiro que fixo foi presentarse, xa que moitos de nós non o coñecíamos, logo contounos en que traballa e que cousas lle gustaban. Máis tarde leunos o conto dos sete cabritos e despois mirámolo tamén na pantalla.
Como nos gustou moito o conto fixémoslle un debuxo para que levase para a casa e a profe encargouse de encadernalos todos xuntos.
Pasámolo moi ben e gustounos moito o conto, moitas grazas Maxi pola túa visita.


martes, 13 de noviembre de 2012

A nosa canción dos trens

Aquí podedes oír a canción que máis nos gustou dos trens, lamento a propaganda.

 

domingo, 11 de noviembre de 2012

Festexamos o magosto

O pasado venres día 9 de novembro festexamos o magosto no colexio. A celebración durou case toda a mañá e gustounos moitos.
O primeiro que fixemos foi falar coa mestra sobre o que celebramos no magosto e logo rematar os nosos bolsos das castañas que nos quedaron moi chulos, logo fomos para o ximnasio cos outros nenos e nenas de infantil para ler un conto (pero foi imposible, con aquela música de festa nós o único que queriamos era bailar).
A iso das 12:30 saimos para o patio e estivemos xogando a distintos xogos populares: carreira de sacos, birlos... e a outros adaptados para a ocasión: zóupalle á castaña, castañazo ao profe, cocendo castañas... e despois de tanto e tanto xogar tocou comer castañas e logo das castañas nada máis e nada menos que poder mancharse coas súas cinzas.
Estivo xenial. Aquí vos deixamos un pequeno adelanto das fotos que nos publicaron no xornal (premede na imaxe para ver máis).

E tamén podedes acceder á páxina do colexio na que están todas as fotos do Magosto e do Samaín.




miércoles, 7 de noviembre de 2012

Visita da familia da profe

A semana que a profe foi a nosa protagonista viñéronnos visitar os seus fillos, Anxo e Antía.
Con eles fixemos unha pócema máxica que nos saiu xenial.
Para elaborar esta pócema necesitamos: un pouquiño de auga, tres colas de coello, cinco lagarto, dous ollos de morcego, zume de limón e un pouquiño de sangue de araña. Estaba asquerosa asquerosa, menos mal que despois dixemos as palabras máxicas "abracadabra pata de cabra" e apareceron un montón de chuches no canto de todos aqueles ingredientes que nos botaramos.


Galletas do Samaín

Outra das actividades que fixemos co gallo do Samaín foi elaborar galletas e rosquillas.
Esta actividade fixémola conxuntamente todos os nenos e nenas de educación Infantil o pasado martés, quedar quedar non nos quedaron moi bonitas pero ricas si que estaban e pasámolo xenial.


lunes, 5 de noviembre de 2012

Froitos do outono

Aquí vos deixamos unha presentación dos froitos do outono para irnos preparando, xa que pronto faremos a nosa degustación anual.


Contos do magosto

Aquí podedes ver algún dos contos que imos traballar na aula coa chegada do magosto:


domingo, 4 de noviembre de 2012

Xogos do magosto

Aquí podedes acceder a diversas actividades Lim sobre o Magosto.







Que festexamos no Magosto?

Aquí vos deixamos algunha información sobre que é o que festexamos no magosto e como o facemos.


É tempo de Magosto

O magosto está as portas, e para pasar de celebración en celebración nada mellor que unhas cancións.






miércoles, 31 de octubre de 2012

Xa celebramos o Samaín

Hoxe foi o último día deste ano no que festexamos o Samaín, e como remate de celebración nada mellor que unha festa cos amigos con chuches, música, baile e xogos.
Pasámolo xenial e fixemos moitas cousas, pero mentres a profe non acaba de subir as fotos ao blog aquí vos deixamos a ligazón do xornal no que falaron de nós.


O Samaín no CEIP de Pontesampaio

Decoramos as nosas cabazas

Entre o luns e martes estivemos decorando as cabazas que nos trouxeron os noso pais á escola.
Traballamos moito, e o máis importante traballamos en equipo para que o noso resultado fose fantástico.
Primeiro organizamos os nosos grupos de traballo, logo repartímonos as cabazas, máis tarde procedemos ao seu baleirado e xa para rematar decorámolas cun rotulador e as profes cortáronnolas.
Estas nosas cabazas usámolas despois para decorar a nosa festa do Samaín.
Quedáronnos moi moi bonitas e aos profes e aos maiores do colexio gustáronlle un montón.
Moitas grazas familias por compartir con nós as vosas cabazas.

viernes, 26 de octubre de 2012

OBRADOIRO DE CABAZAS

Non vos esquezades que precisamos da vosa colaboración para realizarmos o obradoiro de tallar cabazas.




Visita da mamá de Zaira

A semana en que Zaira foi a nosa encargada visitounos a súa mamá, Olaya.
Gustounos moito a súa visita, non só polo que aprendemos senón polo ben que sabía o resultado.
Con Olaya estivemos facendo galletas e rosquillas.
Despois de mirar a receita procedemos a abotoar os botóns para non mancharnos moito. Logo empezamos a botar os ingredientes e a revolvelos. Cando xa a masa estivo listo puxémonos a amasar e logo a facer as galletas e as rosquillas.
Traballamos moitísimo, amasamos e amasamos e amasamos (ata nos quedamos sen fariña de tanto amasar) e cando xa estiveron listas ao forno.
Esperamos con moita impaciencia o tempo no forno e con máis impaciencia aínda iso de ter que esperar a que enfríen... pero a verdade é que nos saíron boísimas e comémolas todas.
Moitas grazas Olaya pola túa visita e por ensinarnos a facer galleta e por darlle a receita aos nosos papás e mamás para que nos axuden a facelas na casa.

miércoles, 24 de octubre de 2012

Día das Bilbliotecas Escolares 2012

Con motivo da celebración do día das bibliotecas escolares, os maiores viñéronnos contar o conto de Corre, Corre cabaciña aos nenos de 3 e 4 anos.
O conto gustounos moito, pero máis aínda o feito de que os maiores teatralizasen a obra para nós.
Así querémoslle dar as grazas aos nenos e nenas de 5º curso por contarnos tan ben esta historia e por compartir o seu tempo connosco.
Aquí vos deixamos unha presentación do conto para que a poidades ver na casa e en breve exporemos tamén as fotos da sesión.


Corre corre cabaciña from charolansvilas

Tamén vos deixamos unha actividade Lim para xogar con Corre corre cabaciña.


martes, 23 de octubre de 2012

Chegou o samaín

Xa está a piques de chegar a noite do Samaín así que para ir quentando motores aquí vos deixamos algúns recursos:

Un corto de Mickey Mouse e a casa encantada (dá moito medo).



Outro corto de disney pero esta vez con Donald. Truco ou trato (está en inglés, que sempre vén ben).



E como non, Caillou tamén festexa o samaín

 



E tamén podedes atopar algunhas cancións:

Canción dos esqueletes

 

 Canción de Corre corre cabaciña

 

 E como non o conto de Corre corre cabaciña

 

 Canción de Mamá Cabra do Samaín

 

 

 E a canción de "La brujita tapita". Que non faltan as bruxas no Samaín

 

E tamén unha pequena actividade Lim para aprender cousas do Samaín.



lunes, 22 de octubre de 2012

viernes, 19 de octubre de 2012

Visita da mamá de Uxía

A semana que Uxía foi a nosa encargada veunos visitar a súa mamá (Sonia), o seu pai tamén quería pero non puido por causa do traballo, esperamos que cando lle toque a Edu ser o noso encargado, si nos poida acompañar.
Sonia tróuxonos o traxe de submarinismo do papá de Uxía e estívonolo ensinando e deixando probar e despois tamén nos ensinou un video sobre a pesca submarina que nos gustou moito.
Para rematar tamén nos agasallaron cunhas pedriñas decoradas que colleu Uxía na praia e logo decoraron xuntos na casa.
Moitas grazas Sonia pola túa visita, pasámolo xenial e aprendimos moitas cousas novas sobre a pesca submarina.


miércoles, 17 de octubre de 2012

Máis cousiñas do Outono

E para seguirmos traballando o outono, nada mellor que unha actividade Lim para xogar e aprender.


Tamén vos deixamos aquí un capítulo de Banner e Flappy sobre a chegada do outono e os froitos secos.




E para continuar un pequeno conto sobre a caída das follas:




E como non máis e máis xogos para dominarmos as Novas Tecnoloxías dende ben pequeniños. 


E máis xogos para non aburrirnos na casa eses días de choiva.


Tamén tedes un pequeno slideshare sobre as froitas do outono en galego, castelán e inglés.



Cumples de outubro

A semana pasada celebramos o aniversario dos nenos que cumpliron anos durante o mes de Outubro. Aquí vos deixamos unhas fotos para que vexades que ben o pasamos.
Moitas felicidades Javier, Uxía, Edu e Rosalía e moitas grazas mamás pola vosa axuda e colaboración.


martes, 16 de octubre de 2012

Como se debuxa un tren

Hoxe na clase estivemos vendo como se pode construír un tren. Aquí tedes paso a paso o vídeo que nos estivemos mirando. Agardamos que vos guste tanto como a nós.

 

Festival fin de curso

Por fin.
Aquí podedes ver unha das nosas actuacións do festival. Só vós deixo unha, pouco a pouco iremos subindo o resto das actuacións dos nenos e nenas de Educación Infantil de 3, 4 e 5 anos.


lunes, 15 de octubre de 2012

Esta semana a nosa protagonista é...

Zaira



Chegou o outono

Aínda que a nosa profe parece non darse conta, CHEGOU O OUTONO, e chégannos castañas e outros froitos secos por todas partes. Así que imos traballar algo o outono que xa vai tocando.
Para empezar aquí podedes ver unha presentación de fotos típicas do outono que ten como música de fondo "O Outono" de Vivaldi.
Nós estivemos xogando a debuxar a audición de Vivaldi e quedáronnos uns debuxos chulísimos desta nova estación (en breve ensinámosvolos).

 

Tamén estivemos lendo algunhas poesías do outono e imos intentar aprender algunha, aquí vos deixamos algunhas mostras.




Nesta ligazón podedes xogar a construír caras cos distintos elementos típicos do outono.


Nesta ligazón podedes practicar o voso manexo do rato barrendo as follas que caén das árbores coa chegada do outono.



Nesta ligazón podedes ir practicando para a festa do Samaín e crear unhas cabazas terroríficas.



E para rematar unha canción do outono que nos gusta moito.


jueves, 11 de octubre de 2012

As nosas rutinas

Moitos días chegamos á nosa casa e pregúntannos os nosos papás e mamás que cousas facemos no colexio. E moitas veces dicímoslles que non nos acorda.
Para evitar ese conflito familiar aquí vos deixamos unha pequena presentación desas rutinas que nós temos no colexio e facemos todos os días.
Esperamos que vos guste.

 

miércoles, 10 de octubre de 2012

Visita da familia de Javier Cabaleiro

A semana que Javier C. foi o noso encargado viñéronnos visitar os seus pais (Carlos e Rosa Ana).
Ese día trouxéronnos un montón de contos para ler e para mirar e léronnos algúns, pero non todos que eran moitos e nós rápido nos cansamos de estar sentados na alfombra.
O máis divertido veu despois.
 Xusto coincidiu que ese día Javier estaba de aniversario, cumplía nada máis e nada menos que 4 anos e os seus pais trouxéronnos unha tarta de chuches para todos nós e máis un batido de chocolate riquísimo.
Comemos moito, quizais demasiado, e pasámolo moi ben, así que para despedilos démoslle moitos bicos (pero só á súa mamá).
Moitas grazas pola vosa visita Carlos e Rosa Ana.

 

lunes, 8 de octubre de 2012

Cancións dos trens

Nas seguintes ligazóns aparecen algunhas das cancións que imos traballar co noso proxecto dos trens.


















Esta semana a nosa protagonista é ...

Uxía

miércoles, 3 de octubre de 2012

Xogos de trens

E para ir empezando a traballar nada mellor que xogar a colocar vías do tren, que non é tan fácil como parece xa que hai que saber encaixalas. Aquí vos deixo un xogo para xogar na rede na que os nenos teñen que colocar as vías do tren para poder chegar ás estacións e recoller aos pasaxeiros e pasaxeiras.


No seguinte xogo os nenos teñen que completar os vagóns do tren atendendo a unha orde dada, de tal xeito que imos traballar as cores e as formas para así podermos viaxar neste particular tren. Ademais sérvelles para mellorar o seu inglés porque o xogo está nesta lingua.


E por suposto temos a Tomas y sus amigos que nos permiten xogar moito con eles: podemos colorear as locomototas, facer parellas, construír as locomotoras, facer crebacabezas de trens, decorar os seus cobertizos, facer construcións...


LinkWithin

Related Posts Plugin for WordPress, Blogger...